మార్చి నుంచే తెలుగు సినిమా వేసవి మొదలైనట్లే కనపడుతోంది. నాని (Nani) నిర్మించిన ‘కోర్ట్’ విజయవంతంగా ప్రదర్శితమవుతోంది. వచ్చే వారం ‘పెళ్లికాని ప్రసాద్’, ‘టుక్ టుక్’, ‘షణ్ముఖ’ విడుదలవుతున్నాయి. ఆ వివరాలు చూద్దాం.
పెళ్లి కాని ప్రసాద్
దిల్ రాజ్ నిర్మాణంలో సప్తగిరి, ప్రియాంక ప్రధాన పాత్రలో నటించిన లేటెస్ట్ ఫ్యామిలీ ఎంటర్ టైనర్ ‘పెళ్లికాని ప్రసాద్’. ఈ చిత్రం మార్చి 21న థియేటర్స్ లో విడుదల కానుంది.
టుక్ టుక్
సుప్రీత్ సి దర్శకత్వంలో తెరకెక్కిన కామెడీ ఎంటర్ టైనర్ టుక్ టుక్ మార్చి 21న ప్రేక్షకుల ముందుకు రానుంది. హర్ష రోషన్, కార్తికేయ దేవ్, స్టీవెన్ మధు, శాన్వీ మేఘన తదితరులు ఈ చిత్రంలో కీలక పాత్రల్లో నటించారు. తాజాగా విడుదలైన ఈ మూవీ ట్రైలర్ కి మంచి రెస్పాన్స్ వచ్చింది.
షణ్ముఖ
హీరో ఆది, అవికా గోర్ జంటగా నటించిన షణ్ముఖ మార్చి 21న విడుదల కానుంది. షణ్ముగం సప్పాని ఈ చిత్రానికి దర్శకత్వం వహించారు. రవి బస్రూర్ సంగీతం అందించారు.
ఓటిటిల విషయానికి వస్తే..
అనోరా
ఆస్కార్ విన్నింగ్ ఫిల్మ్ ‘అనోరా’ చిత్రం మార్చి 17నుంచి అమెజాన్ ప్రైమ్ వేదికగా స్ట్రీమింగ్ కానుంది. 2025 ఆస్కార్ వేడుకల్లో ఈ చిత్రం 5 విభాగాల్లో ఆస్కార్ అవార్డును గెలుచుకుంది.
బ్రహ్మా ఆనందం
లెజెండ్రీ కమెడియన్ బ్రహ్మానందం, ఆయన కుమారుడు గౌతమ్ రాజా ప్రధాన పాత్రలో నటించిన ‘బ్రహ్మా ఆనందం’ చిత్రం మార్చి 20 నుంచి ‘ఆహా’ లో స్ట్రీమింగ్ కానుంది. ఇందులో బ్రహ్మానందం, ఆయన కొడుకు తాత మనవాళ్లుగా నటించారు.
నెట్ ఫ్లిక్స్
ఖాకీ: ది బెంగాల్ చాప్టర్ – మార్చి 20 (నెట్ ఫ్లిక్స్)
ది రెసిడెన్స్ (వెబ్ సిరీస్)- మార్చి 20
విమెన్ ఆఫ్ ది డెడ్ 2 (వెబ్ సిరీస్) – మార్చి 19
ఆఫీసర్ ఆన్ డ్యూటీ – మార్చి 20
లిటిల్ సైబీరియా – మార్చి 21
రివిలేషన్స్ – మార్చి 21
బెట్ యువర్ లైఫ్ (వెబ్ సిరీస్) – మార్చి 20